Meksikada insan alverçilərinin yaşatdığı dəhşətləri bu faciənin qurbanı olan Karla Jasinto başına gələnlərin əsasında danışıb. 

Movqe.az xəbər verir ki, insan alverçiləri onu seks köləsi edəndə hələ 12 yaşı var idi.

Bir metro stansiyasında rəfiqələrini gözləyən Karla "insan tacirləri" tərəfindən oğurlanır. 4 il ərzində qorxunc bir həyat yaşayan gənc qız həftənin yeddi günü dayanmadan təcavüzə uğrayır.

TƏXMİNƏN 43 MİN TƏCAVÜZ

Fahişə kimi istifadə edilən Karla Jasinto insan alverçiləri ilə keçirdiyi ilk gün istəmədən zorlanıb və bu dörd il ərzində davam hər gün eyni dəhşəti yaşayıb. Gündə ən az 30 adamla əlaqəyə vadar edilən Karla təxminən 43 min dəfə təcavüzə uğramış olub. 2008-ci ildə Karla bu dəhşətdən xilas ediləndə hələ 16 yaşı var idi.

Yaşadığı kabusu ailələrin və gənc qızların çox diqqətli olması məqsədiylə ilk dəfə "CNN International" kanalına danışan Karla minlərlə qızın həyatının bu şəkildə  məhv olduğunu söyləyir.

İnsan alverçilərinin qaldığı evə hər həftə yeni qızların gətirildiyini deyən Karla başına gələnləri qısa şəkildə belə izah edib:

"Təcavüz edənlər mənə gülürdülər. Çünki mən dayanmadan ağlayırdım. Gözlərimi bağlayıb onların mənə nə etdiyini görməməyə çalışırdım"./milli.az/