İngiltərənin Hertfordşir şəhərində yaşayan 14 yaşlı Li Nortonun saniyələr içində plastik stəkanları düzdüyü görüntülər sosial şəbəkə saytlarında izlənilmə rekordları qırır. Movqe.Az-ın məlumatına görə, "Youtube"da qısa müddət ərzində 500 mindən çox baxılan videolarda Norton stəkanları piramida şəklində düzür və sonra onları köhnə vəziyyətə gətirir. Hədəfinin dünya rekordu qırmaq olduğunu bildirən Norton açıqlamasında, "Bu idmanı etmək həqiqətən çox əyləncəlidir və insanda asılılıq yaradır." deyib. Nortonun ailəsi isə uşaqlarının bu idmandan sanki asılı olduğunu və işlərini təxirə saldığını bildiriblər.