Mövqe.az-ın məlumatına görə, İtaliyada Avropanın ən yaşlı qadını öldü. Mariya Radaelli 114 yaşına bir gün qalmış, öz evində üzərində sevdiyi  futbol komandasının simvolları olan ədyala bürünərək kürsüdə oturarkən dünyasını dəyişib. 

Bu yaşlı qadın "İnter" klubunun azarkeşi idi. Komandanın rəsmi saytında artıq qadının ölümü ilə bağlı klubun prezidenti və futbolçular adından başsağlığı da yazılıb. Yazıda azarkeşə sədaqətinə görə son dəfə təşəkkür edilir. 

Qeyd edək ki, italiyalı qadının ölümündən sonra Avropanın ən yaşlı qadını onun həmyerlisi, 1899-cu il, noyabrın 29-da anadan olmuş 113 yaşlı Emma Moranodur.