"Apple"ın bu günə qədər 800 milyondan çox iOS cihaz ( iPhone , iPad və iPod) satdığı , son bir ildə 130 milyon yeni istifadəçinin iOS cihaz satın aldığı bildirilib.

Movqe.Az xəbər verir ki, "Apple"ın San Fransiskoda başlayan proqram inkişaf etdiriciləri konfransında verilən məlumatlara görə , "Apple"ın bu günə qədər satdığı mobil cihaz sayı 800 milyonu keçib. Son bir ildə iOS cihaz satın alan yeni istifadəçi sayı isə 130 milyon civarındadır.

Satılan iOS cihazlar arasında iPhone 500 milyon ilə ilk sıradadır. iPad 200 milyon ilə ikinci , iPod Touch isə 100 milyon ilə üçüncü sırada yerləşir.