Movqe.Az xəbər verir ki, "Taksim" Meydanındakı Atatürk heykəlinin üzərinə oturan çılpaq aktivist vətəndaşların hücumuna məruz qalıb və canını çətinliklə qurtarıb. Ötən gün günortan saatlarında "Taksim" Meydanı'nda çox maraqlı bir hadisə yaşanıb. Meydanda yerləşən Atatürk heykəlinin üzərinə çıxaraq lüm-lüt soyunan bir adam vətəndaşların sərt reaksiyasına səbəb olub. Saat 11:30 radələrində meydanda olan heykəlin üstünə çıxan çılpaq bir adam Atatürk heykəlinin üzərinə oturub. Gördükləri mənzərə qarşısında çaş-baş qalan insanlar adı hələ bilinməyən çılpaq aktivisti linçləmək istəyiblər. Heykəlin önünə toplanan kütlə əvvəl aktivistin aşağıya enməsini istəyib. Bu təkliflərə məhəl qoymayan çılpaq aktivistin heykəlin üzərinə oturmağa davam etməsi və əl-qol işarələri etməsi qalmaqala səbəb olub. Əllərində olan plasmas şüşə butulkaları, daşı çılpaq adama tərəf atan insanlardan biri o qədər qəzəblənir ki, ayaqqabısını çıxarıb belə atır.