Piylənməyə "beyində" son qoyulur
Movqe.Az bildirir ki, Dünyanın ən
əhəmiyyətli sağlamlıq problemlərindən biri olan piylənmə ilə
əlaqədar aparılan son araşdırma, piylənmənin həqiqətən "beyində"
bitirilə biləcəyinin mümkün olduğunu sübut edib. Çünki elm
adamları, kilonun idarəsində təsirli olan iki hormonun əhəmiyyətini
kəşf ediblər. ABŞ-ın Miçiqan Universitetində aparılan araşdırmaya
görə, bəzi insanların beyni iştahanı idarə edən hormonlara cavab
vermir. Bu iki əhəmiyyətli hormondan biri "grehlin" hormonudur. Bu
hormon maddələr mübadiləsini yavaşladır və bədənin yağ yandırma
qabiliyyətini azaldır. İkinci və mütəxəssislərin daha çox üstündə
dayandığı hormon isə "leptin" hormonudur. Çəkinin nəzarətində açar
rol oynayan "leptin" hormonu, beyinə davamlı aclıq siqnalı
getməsinin qarşısını alır və daha çox kalori yandırılmasını təmin
edən hormondur. Bundan əvvəlki araşdırmalarda "leptin" hormonu
ifraz edən insanların kilolarıyla əlaqədar daha çox problem
yaşadığı ortaya çıxmışdı. Amma indi, elm adamları leptin hormonunun
beyinə çatana qədər ona təsirli olan bir qəbuledici kəşf ediblər.
Mütəxəssislərə görə, həddindən artıq çəkili insanlarda bu
qəbuledicilər ola bilsin ki, çatışmır. İrəli sürülən bu nəticələr,
piylənmə və hormonlarla əlaqəli xəstəliklərin müalicəsində
əhəmiyyətli ölçüdə rol oynaya bilər.