Şüşədən məscid rəsmi olaraq açıldı
Movqe.Az bildirir ki, Hindistanın ilk
şüşədən məscidi, "Mədinə məscidi" nazir Vinsent H.Pala tərəfindən
rəsmi olaraq açılıb. Məscidin bənzərsiz quruluşuna və ruhuna diqqət
edən nazir "Bu məscid ölkədəki bütün dinlərin birgəliyinin
simvoludur." deyib. "Shillong Müsəlman Birliyi"nin 1 il yarım
müddətində inşa etdiyi dörd mərtəbəli Mədinə məscidi, minarəsi və
qübbəsi də daxil olmaqla tamamilə şüşədən tikilib. Bir yetimxanaya
da ev sahibliyi edən məscid 2 min nəfərlik yerə malikdir. Açılışda
çıxış edən Şərqi Xas komissar müavini Sanjay Qoyal, bu
təşkilatların yalnız müsəlmanlar üçün deyil, hər kəs üçün sülh və
rifahın nümayəndəsi olmasına ümid etdiyini söyləyib.