Samsung daha bir "Galaxy"ni rəsmi olaraq tanıtdı
Movqe.Az bildirir ki, "Galaxy S3", "Galaxy
Note 2" deyərkən, Samsungdan bir Galaxy daha gəldi. Bu yeni
telefonun adı "Galaxy Premier"dir. Samsungun son həftələrdə
internetdə bir neçə dəfə danışılan Android dəstəkləyən telefonu
"Galaxy Premier" nəhayət gerçəyə çevrilib və şirkət tərəfindən
rəsmi olaraq tanıdılıb. "Galaxy S3"ə çox bənzəyən bir dizayna sahib
olan "Galaxy Premier I9260", ondan bir az daha kiçik, 4.65 düymlük
bir HD Super AMOLED ekrana sahibdir (1280x720). Cüt nüvəli 1.5GHz
TI OMAP 4470 prosessor, 1GB RAM, Android 4.1 Jelly Bean, 8MP
kamera, 1.9MP qabaq kamerası telefonun texniki xüsusiyyətləri
arasında iştirak edir. TouchWiz interfeysi, S Beam, Smart Stay,
Direct Call, S Voice, Best Photo kimi Samsung funksiyaları da
"Galaxy Premier"da mövcuddur. Bluetooth 4.0, GPS, Wi-Fi, NFC, 8GB
və ya 16GB daxili yaddaş, microSD kartı kimi standart
xüsusiyyətlərə də sahib olan "Galaxy Premier", içərisində
2100mAh-lıq bir batareya daşıyır. Gələn ay bazara çıxarılacaq olan
bu mobil telefon, hal-hazırda yalnız Ukraynada var.