Amerika Birləşmiş Ştatlarında beysbol oyunlarının birində maraqlı olay yaşanıb.

Movqe.az atv.az-a istinadən bildirir ki, oyunun ortasında meydançaya Opossum adlı heyvan daxil olub. Heyvanın  meydançaya daxil olması isə ətrafda olanlarda əməlli-başlı çaşqınlıq yaradıb. Oyunçular bir neçə dəfə heyvanı meydançadan çıxarmağa cəhd göstərsələr də, bu cəhdləri hər dəfə uğursuzluqla nəticələnib.

Sonda bir neçə mühafizəçi heyvanı yaxalayaraq zooparklardan birinə təhvil veriblər. Meydançaya daxil olan heyvan beysbol klubları arasında keçirilən qarşılaşmanın bir neçə dəqiqə fasiləsinə səbəb olub. Lakin əminliklə deyə bilərik ki, yaşanan bu hadisə tribunada oturan izləyicilərə oyundan daha maraqlı gəlib.