Ağdaş rayonunun Abad kənd sakini Rahim Cəfərov üç metrlik ilanı balaca daş parçası ilə öldürüb.

Movqe.az-ın hafta.az-a istinadən verdiyi xəbərə görə, Abad kənd sakini R.Cəfərov el arasında "xallı sarı gürzə" kimi tanınan ilanı həyətində görüncə qorxuya düşüb. Lakin o, özünü itirməyərək ilanı öldürmək qərarına gəlib. Rahim Cəfərov balaca daş parçası ilə həyətinə qonaq gəlmiş "zəhər tuluğu"nun başını əzdikdən sonra həyətlərindəki çinar ağacından asıb.

Verilən məlumata görə, son günlər havaların istiləşməsi ilə Ağdaşda ilanların kəndlərdə peyda olması adi hala çevrilib. Amma kənd sakinlərinin sözlərinə görə, üç metrlik ilanın həyətlərə soxulmasını ilk dəfə müşahidə etdiklərini bildiriblər.