news Image
2017.02.01
16:38
| A A A
Tam iflic olmuş xəstələr danışa biləcəklər - Alimlərdən ŞOK AÇIQLAMA

Tam iflic olmuş xəstələr xüsusi kompüter sisteminin yardımı ilə ətraf mühitlə ünsiyyət qura biləcəklər.

Movqe.az report-a istinadən xəbər verir ki, bu barədə isveçrəli alimlər məlumat verib.
"PLOS Biology" jurnalında İsveçrə klinikalarından birində tam iflic olmuş dörd xəstə üzərində aparılan araşdırmanın nəticələri nəşr olunub.

Xəstələrin hamısı yan amiotrofik sklerozun ağır formasından əziyyət çəkir və baş verənlərə hətta gözlərini tərpətməklə belə reaksiya verə bilmirlər.
Onların suallara "bəli" və ya "xeyr" cavabını verməsi üçün xəstənin fikirlərini "oxuyan" interfeysdən istifadə edilib.

Kompüter sisteminin işi beyin hüceyrələrinin xüsusiyyətlərinə əsaslanır və onların fəaliyyətindən, qanın rənginin dəyişməsi ilə nəticələnən qanda oksigenin səviyyəsinin artıb-azalmasından asılı olaraq fəaliyyət göstərir. Qanın rəngini müəyyən etmək üçün infraqırmızı şüalandırmadan istifadə olunur.

Alimlərin fikrincə, tətbiq olunan sistemlə "fikri oxuma" dəqiqliyi təxminən 75% təşkil edir. Başqa sözlə, kompüterin doğru cavabı göstərdiyinə əmin olmaq üçün sualı bir neçə dəfə təkrar etmək lazımdır.
Professor Ucval Çaudharinin sözlərinə görə, sadə suallara "bəli" və ya "xeyr" cavabı vermək imkanı belə xəstələrin həyat keyfiyyətini əhəmiyyətli dərəcədə artıracaq.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs