news Image
2017.10.03
11:24
| A A A
Şövkət Məmmədovanın 120 illik yubileyi keçiriləcək

2017-ci ildə Azərbaycanın ilk qadın opera müğənnisi, SSRİ xalq artisti, professor Şövkət Həsən qızı Məmmədovanın anadan olmasının 120 illiyi tamam olur.

Mədəniyyət və Turizm Nazirliyindən Movqe.az-a  verilən məlumata görə, Azərbaycan Prezidentinin “Şövkət Məmmədovanın 120 illik yubileyi haqqında” 11 iyul 2017-ci il tarixli, 3059 nömrəli sərəncamının icrasının təmin edilməsi məqsədilə 7 oktyabr 2017-ci il tarixində Azərbaycan Dövlət Filarmoniyasında Ş.Məmmədovanın 120 illiyinə həsr olunmuş yubiley gecəsi keçiriləcək.

Yubiley gecəsində Xalq artisti Rauf Abdullayevin rəhbərliyi altında Azərbaycan Dövlət Simfonik Orkestrinin müşayiəti ilə tanınmış vokalçıların ifasında Azərbaycan və Avropa bəstəkarlarının operalarından məşhur ariyalar səslənəcək.

Ş.Məmmədova dünya vokal məktəbinin yüksək nailiyyətlərini milli musiqi ənənələri ilə ahəngdar şəkildə əlaqələndirərək Azərbaycan opera sənəti tarixinə parlaq səhifələr yazıb. Onun tanınmış ictimai xadim və görkəmli pedaqoq kimi ölkəmizdə musiqi mədəniyyətinin tərəqqisi naminə uzun illər ərzində geniş, səmərəli və təqdirəlayiq fəaliyyəti vətənə, xalqa xidmətin bariz nümunəsidir.

 

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs