Söz Azadlığını Müdafiə Fondunun təşəbbüsü ilə Şuşa Rayon Mədəniyyət və Turizm şöbəsində görüş keçirilmişdir. Fondun icraçı direktoru V.Tofiqli və şöbənin müdiri Zahid Abbasov "Qarabağ muzeyləri" mövzusu ətrafında müzakirələr aparıblar.
Mövqe.az-ın Söz Azadlığını Müdafiə Fondundan aldığı məlumata görə, QHT təmsilçisi görüşdə fondun Azərbaycan Respublikası Prezidenti yanında QHT-lərə Dövlət Dəstək Şurasının maliyyə dəstəyi ilə həyata keçirdiyi "İşğal altındakı ərazilərdə fəaliyyətdə olmuş muzeylərdəki maddi-mədəni irsə aid eksponatlar haqqında məlumatların toplanılaraq siyahılaşdırılması və ictimai müzakirəyə təqdim edilməsi" layihəsi çərçivəsində apardığı araşdırmalar barəsində, layihə çərçivəsində hazırlanacaq ensiklopedik-məlumat kitabına salınacaq informasiya, habelə kitaba daxil edilməsi nəzərdə tutulan bölmələr barəsində fikrilərini bildirib.
Öz növbəsində Zahid Abbasov Qarabağın
maddi-mədəni irsinin öyrənilməsində qeyd olunan layihənin böyük
əhəmiyyət kəsb etdiyini bildirərək, işğal altında olan bütün
muzeylərimiz haqqında məlumatların kitaba daxil edilməsinin
zəruriliyini bildirib və bu işdə Şuşa Mədənyyət və Turizm Şöbəsi
tərəfindən əldə olan məlumatların fonda təqdim etməyə hazır olduğu
vurğulayıb. Şöbə müdirinin sözlərinə görə, Azərbaycanınn qədim
mədəniyyət mərkəzi sayılan Şuşada doqquz müxtəlif səpgili muzey
fəaliyyətdə olub. Bunlardan ikisi- (Şuşa Tarix muzeyi və Dövlət
Qarabağ Tarixi muzeyi), dördü xatirə- ev muzeyi (Ü. Hacıbəyov,
Bülbül, M.M Nəvvab və Xan qızı Natavan), biri filial (Azərbaycan
Xalçası və Xalq Tətbiqi Sənəti Dövlət muzeyi Şuşa filialı) kimi
fəaliyyətdə olub.
Şuşa Mədəniyyət şöbəsinin nəzdində isə,
Şuşa qalasının Gəncə divarının yanında Daş Muzeyi, habelə Vaqifin
məqbərə kompleksi qonaqların ziyarəti üçün daim açıq olub.
Z.Abbasov Qarabağda fəaliyyətdə olmuş bütün muzeylər haqqında
məlumatların bu kitaba salınmasını məqsədəuyğun hesab edib və
bildirib ki, ermənilərin məskunlaşıdığı ərazilərdə ki muzeylərdə də
məhz Azərbaycan tarixinin bir parçası sərgilənirdi.
Qeyd
edək ki, informasiya dəstəyi "Karabakhinfo.com " elektron jurnalı
tərəfindən həyata keçirilən layihə çərçivəsində fond əməkdaşlarının
mütəxəssislər, muzey əməkdaşları, habelə Mədəniyyət və Turizm
Nazirliyinin müvafiq qurumları ilə görüşləri davam etdiriləcək.