news Image
2013.07.09
12:25
| A A A
"Arşın Mal Alan" Los Ancelesdə

Azərbaycanın Los Ancelesdəki Baş Konsulluğunun təşəbbüsü və təşkilatçılığı ilə sentyabrın 7-də "Arşın Mal Alan" operettası Los Anceles şəhərində nümayiş edtiriləcək. 

mövqe.az-ın  məlumatına görə, bu barədə Azərbaycanın Los Ancelesdəki Baş Konsulluğundan bildirilib.


Məlumatda deyilir ki, tamaşa operettanın 100 illik yubileyinə həsr olunub.

Operetta dünyanın ən böyük və məşhur opera teatrlarından olan, Los Ancelesin Dorothy Chandler Pavilion opera teatrında səhnəyə qoyulacaq.


Qeyd edək ki, tanınmış opera ifaçısı Plaçido Dominqonun rəhbərlik etdiyi nüfuzlu Los Anceles Operası öz tamaşalarını sözügedən opera teatrında nümayiş etdirir. 1970-90-cı illərdə "Oskar" Mükafatının təqdimetmə mərasimləri məhz Dorothy Chandler Pavilion teatrında keçirilib.

Operettanın prodüseri amerikalı bəstəkar və prodüser Maykl Şnakdır (Michael Schnack). M.Şnak 2006-ci ildə "Arşın Mal Alan" operettasını Vyanada uğurla səhnələşdirib.


Bütün rolların ifaçıları amerikalı opera müğənniləridir. Operettanın mahnıları Azərbaycan dilində ifa ediləcək, dialoqları isə ingilis dilində aparılacaqdır. Los Ancelesdə fəaliyyət göstərən tanınmış orkestr operettanın musiqisini ifa edəcək.


Bu, "Arşın Mal Alan" operettasının ingilisdilli məkanda, xüsusilə də ABŞ-da bu miqyasda və formada ilk səhnələşdirilməsidir.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs