"Toy barədə düşünmürəm"
"Hələ ki, tərəddüdümüz var". Hazırda Bakıda olan Günel şəxsi həyatı
ilə bağlı danışıb. Neçə aydır türk vətəndaşı ilə nişanlı olan və bu
ilin yayında nikaha daxil olacaq azəri sənətçi, deyəsən, fikrində
tərəddüd yaşayır. Onunla söhbətimizdən bəlli oldu ki, əslində,
münasibətlərində problem yoxdur. Sadəcə, bir-birilərini daha
yaxından tanımaları üçün zamana ehtiyac var: "Mən sənətçiyəm,
səfərlərim, yaradıcılıq işlərim olur. Bu səbəbdən nişanlımla
tez-tez görüşə bilmirəm. Zaman tapdıqca görüşür, iç dünyamızı
öyrənməyə çalışırıq. Toyun bu ilin yayında olacağı açıqlanmışdı.
Amma hələ ki, tərəddüdümüz var. Çalışırıq, bir-birimizi daha
yaxından tanıyaq. Mən ailə münasibətinin dəyərini bilmək və buna
tələsərək qərar vermək istəmirəm", - deyən Günel hər iki ailənin də
onlar kimi düşündüyünü bildirdi. Sənətçi qərarlarının yaxın
gələcəkdə qətiləşəcəyini söylədi.