13 il əvvəl oğurlanan büst tapıldı
Movqe.Az bildirir ki, Fransız
heykəltəraş Auguste Rodinin 13 il əvvəl muzeydən oğurlanan büstü
bir antikvarçının yük maşınında tapılıb. Rəsmilər, Lyon bölgəsində
edilən soyğunlarla əlaqədar olaraq polisin izlədiyi antikvarçının
Loire bölgəsindəki Montbrison şəhərində nəzarətə alındığını
açıqlayıb. Rodinin sevgilisi Kamille Klaudel tərəfindən düzəldilən
uzunluğu 58,5 santimetr və ağırlığı təxminən 8 kiloqram olan
büst antikvarçının yük maşınında aparılan axtarış nəticəsində
tapılıb. Klaudelin imzasını daşıyan və 1,3 milyon dollar dəyərində
olan büst, 1999-cu ildə "Gueret" Sənət və Arxeologiya Muzeyindən
oğurlanıb. "Gueret" Sənət və Arxeologiya Muzeyinin müdiri Katherin
Uaçs-Genest, büstün 13 il sonra tapılmasının möcüzə olduğunu
bildirib. Rodinin şagirdi və modeli olan Klaudel, 50-dən çox sənət
əsəri təqdim edib, ancaq çox azına imza atıb. Klaudel, 30 il ruhi
xəstəxanada qaldıqdan sonra 19 oktyabr 1943-cü ildə həyatını
dəyişib.