news Image
2016.06.20
17:20
| A A A
Gənc yazarların əsərlərindən ibarət antologiya hazırlanır

Nazirlər Kabineti yanında Tərcümə Mərkəzi gənc yazıçı və şairlərin bədii əsərlərinin toplanacağı "Ən yeni ədəbiyyat" adlı antologiya hazırlayır.


Mərkəzdən Movqe.az-a verilən məlumata görə, Azərbaycan ədəbi gəncliyinin təbliği, gənc istedadların üzə çıxarılması məqsədilə hazırlanan toplunun redaksiya heyətinin ilk toplantısı keçirilib.


Tədbirdə Azərbaycan Respublikasının Nazirlər Kabineti yanında Tərcümə Mərkəzinin direktoru, yazıçı Afaq Məsud, ədəbi tənqidçilər Vaqif Yusifli, Əsəd Cahangir, Rüstəm Kamal, Mərkəzin Elm, təhsil və mədəniyyət şöbəsinin müdiri, yazıçı Yaşar Əliyev, ədəbi-bədii mətnlər üzrə dil mütəxəssisləri Mahir Qarayev və Etimad Muradov iştirak ediblər.


Tədbirdə antologiyanın tərtib prinsipləri, kitabda yer alacaq müəlliflərin və onların bədii mətnlərinin seçim kriteriyaları barədə müzakirələr aparılıb.


Toplantının geniş mətni "Aydın Yol" qəzetinin 24 iyun 2016-cı il tarixli sayında nəşr ediləcək.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs