Bakıda metronun bağlanmasının səbəbi açıqlanıb.

Mövqe.az-ın məlumatına görə, Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Operativ Qərargahın brifinqində deyib ki, metro qapalı yer olduğuna görə virusa yoluxma üçün münbit şərait yaranır:

“Metro qapalı bir yerdir və orada virus olduğu halda çoxlu sayda insanın yoluxmasına səbəb ola bilər”.

H.Hacıyev qeyd edib ki, metro əvəzinə ekspress avtobuslar fəaliyyət göstərir və sərnişin sıxlığına uyğun olaraq avtobusların sayı tənzimlənir.