news Image
2012.08.13
17:14
| A A A
İran səfirliyinin nümayəndəsi prezidentin tədbirinə gəlmədi
Prezident İlham Əliyev Ramazan bayramı münasibətilə Azərbaycandakı İslam ölkələrinin səfirlərini qəbul edib. Ənənəvi xarakter daşıyan bu görüşlər Azərbaycanda dövlətin islami dəyərlərə verdiyi qiymətin və yetirdiyi diqqətin təzahürüdür. Prezident İlham Əliyevin diplomatik korpusun rəhbərlərini qəbul edərək bayram münasibətilə təbrik etməsi həm də islam ölkələri arasında həmrəyliyin və ümumi mənəvi dəyərlərə sadiqliyin ifadəsi kimi qiymətləndirilir. 
APA-nın əldə etdiyi məlumata görə, bugünkü görüşə İran səfiri və ya səfirliyin nümayəndəsi qatılmayıb. 
Ekspertlər hesab edir ki, İslam aləminin ən böyük bayramı, islami həmrəyliyin, qarşılıqlı hörmət və ehtiramın təcəssümü sayılan Ramazan bayramına belə soyuq münasibətin səbəbi mətbuatda ciddi suallar yaradıb. "İslami dəyərlərin qoruyucusu", "islam maraqlarının müdafiəçisi" iddiası ilə çıxış edən bir ölkənin diplomatik nümayəndələrinin bu etinasız hərəkətləri ictimaiyyət tərəfindən təqdir oluna bilməz. Əgər İran səfiri ölkədə deyilsə, səfirliyin nümayəndəsi qəbulda iştirak etməli idi.
 

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs