news Image
2017.10.09
11:45
| A A A
Faiqdən Röya qalmaqalı haqda: "Söhbət xırt kəsildi"

Xalq artisti Faiq Ağayev əməkdar artist Röya Ayxanla aralarında yaşanan qalmaqaldan danışıb.

Movqe.az axşam.az-a istinadən xəbər verir ki, "Zümrüd və Suat" şounun qonağı olan müğənni bildirib ki, söz-söhbətlərdən uzaq qalmağa çalışır:

"Baş verən hadisələr mənim mübarizə, özümü təsdiqləmə yolum idi. Kimsə irəliyə getmək istəyəndə ayağının altını 10 metr uzaq məsafədən qazmağa başlayırlar. Bu sənətə mübariz bir insan kimi gəlmişəm. Bu qalmaqallar 2008-ci ildən, xalq artisti adını qazanandan sonra dayandı. Anladım ki, hər deyilən sözə reaksiya vermək düzgün çıxmır. 

Son vaxtlar isə mən heç ad deməmişdim. El misalı var, "Sözünü de, sahibi götürəcək". Yiyəsi sözü necə götürdüsə, məndən nə cavab aldısa, xoşagəlməz bir hadisə yaşandı. Gördüyünüz kimi, söhbət xırt kəsildi".

Qeyd edək ki, F.Ağayevin "Azərbaycanda konsertdən pul qazanan üç ifaçıdan biriyəm" sözlərinə R.Ayxan sərt cavab vermişdi. Röya qarşı tərəfə "Bu günə kimi hörməti qorumuşamsa, elə də olacaq. Amma çox qaşıma" sözlərini deyib.