İstəkləri konserti ləğv etdirdi
Müğənni Cennifer Lopezin həddindən artıq kulis istəkləri konsert
razılaşmasını ləğv etdirib. Movqe.Az-ın
məlumatına görə, məşhur müğənni Cennifer Lopez, Hindistanda təşkil
edilən kriket liqasının açılışında mahnı oxuma fürsətini əlindən
qaçırıb. "Daily Mail"in xəbərində bildirilir ki, Lopez, səhnəyə
çıxmaq üçün xüsusi bir təyyarə, yoldaşları və qrupunun otel
xərclərinin ödənilməsini istəyib. Təşkilatçılar isə Lopezin
istəklərini qəbul etməyərək Pitbullla razılaşıblar. Lopez, konsert
verməyi qəbul etsəydi 60 milyon tamaşaçı ilə görüşəcəkdi.
Müğənninin mətbuat katibi isə iddiaları qəbul etməyərək, Lopezin
proqramının o tarixdə dolu olduğunu söyləyib. Lakin Lopez bu
hadisədən əvvəl verdiyi müsahibsində, dəlisov istəklərinin
olmadığını, özünü "rahat hiss etdirən" bəzi şeyləri kulisində
görmək istədiyini bildirmişdi.