Model Dəniz Akkaya haqqında yayılan təhdid və oğurluq iddiaları ilə bağlı danışıb. 

Movqe.az axşam.az-a istinadən məlumat verir ki, bu səbəblə də keçmiş sevgilisi Gökmen Şenovanın ailəsinin Akkayaya qadağalar qoyması barədə xəbərlər yayılıb. Bununla yanaşı, keçmiş meneceri Merih Yılmaz da Dənizin onu vurduğunu iddia edib.

Ardınca model polis bölməsinə çağırılıb. Bölmədən çıxarkən Akkaya özünün də məhkəməyə baş vuracağını bildirib.

İnstaqram hesabında verdiyi açıqlamada isə Dəniz Gökmen Şenova ilə artıq bir müddətdir ayrıldığını və münasibətin yayılan xəbərlərdən əvvəl bitdiyini vurğulayıb. O, bu yalan iddiaları yayan və onu tənqid, təhqir edənləri məhkəməyə verəcəyini qeyd edib.