Şəbnəm Tovuzlu izləyicisini tənqid etdi: "Düşüncəsiz olmayın" - FOTO
Müğənni Şəbnəm Tovuzlunun paylaşdığı video qalmaqala səbəb olub.
Mövqe.az ölkə.az-a istinadən bildirir ki, ifaçı balaca qaraçı qız ilə bağlı "İnstagram" səhifəsində video yayımlayıb.
Görüntüdə uşaq müğənninin mahnısını ifa edir. Şəbnəm videosunu belə şərh edib:
"Bu videonu mənə canım həmkarım Gülay yollayıb ki, Şəbiş bax bu qaraçı qız necə oxuyur".
İzləyicilərdən biri isə ifaçının uşağa qaraçı deməsinə hiddətlənib:
"Mən sadəcə gün ərzində dinlənən bir müğənninin qaraçı deyə yazdığı sözünü anlamıram", - qeydini edib.
İfaçı isə buna əsəbləşərək:
"Niyə? Qaraçı pis sözdür? Qaraçı milləti var. Düşüncəsiz olmayın", - izləyicisinə cavab verib.