news Image
2013.07.19
17:29
| A A A
ANS-in daha bir aparıcısından fotosessiya

Tamaşaçıların ANS və Xəzər telekanallarından tanıdığı aparıcı Xanım Dadaşova azvision.az saytının "Miss Media" layihəsində qonaq olub.


Xanım Natiq qızı Dadaşova 1985-ci il mayın 6-da Bakı şəhərində anadan olub. Uşaqlıqdan arzusu aktrisalıq olub, ancaq ailəsi bu arzusuna qarşı çıxıb.

Valideynləri onu həkim görmək istəyirmiş. Beləliklə, o, Bakı Dövlət Universitetinin Biologiya fakültəsinə daxil olub: 


"Təhsilimi başa vurduqdan sonra tibb klinikalarında çalışmağa başladım. Ancaq mikroskop altında qocalmaq mənlik deyildi. Buna görə də CV-mi televiziyalara təqdim etdim. Bu sahə üzrə işə başladım və ANS-in "Dəyər" verilişinin aparıcısı oldum. Daha sonra Xəzər TV-nin "Mənim evim" verilişinin dizayn və təmir rubrikasını apardım".

Təqdim etdiyimiz fotosessiyada aparıcı xanım iki obrazı canlandırıb: əsgər və "Barbie" gəlinciyini.

Xanımın ən böyük arzusu dünya turuna çıxmaq, ən qorxduğu şey insan ölümün şahidi olmaqdır.

Özü haqqında belə deyir: "Xaraktercə səbirsiz, məqsədyönlü, ürəkli və qorxmazam".