Müğənni Kərim Abbasov "Facebook" dostlarına əsəbiləşib. 

Məlumata görə, sənətçi hər kəsin ona "siz" deyə müraciət etməsini tələb edib. Hər gün sosial şəbəkədəki dostlarından çoxlu məktublar alan Kərim məsələylə bağlı bunları yazıb:

 "Dostlar, sizdən xahişim var. İnanıram ki, nəzərə alacaqsınız. Hamınıza ayrı-ayrılıqda hörmətim var. Amma sizin də o hörməti mənə qaytarmağınızı xahiş edirəm. Birincisi, heç kim məndən istəməsin ki, hansısa şəkli bəyənim. Özüm istəyən zaman bunu edəcəm. İkincisi, mən necəki sizə "siz" deyə müraciət edirəmsə, xahiş edirəm siz də belə davranın. Mən etik normalara riayət etməyi xoşlayıram. Əks halda sizi dostluqdan çıxarmaq məcburiyyətində qalacam. Mən də bunu etmək istəmirəm".