Mövqe.az-ın məlumatına görə, Nadir Qafarzadə və Ayanın ifa etdiyi "Sənin üçün" mahnısı oğurluq çıxdı. Qeyd edək ki, mahnının müəllifi söz yazarı və bəstəçisi meyxanaçı Samir Vidadır. Samir Vida mövqe.az-a bu mahnının ondan icazəsiz oxunduğunu bildirib : "Bu mahnı məndən icazəsiz oxunub. Məhkəməyə müraciət edəcəyəm. Həmin mahnını məndən Türkiyədə böyük bir şirkət almaq istəyir. Hətta müqavilə də imzalanıb və mənə göndərilib. Lakin bizim müğənnilər müəllifə hörmətsizlik edib özbaşına "Sənin üçün" mahnımı oxuyublar". 

Qeyd edək ki,mahnının youtube.com saytında Samir Vidanın ifasında 240 mindən çox izlənməsi var.Nadir Qafarzadə və Ayanın ifasında isə 11 min izlənmə var. Mövqe.az hər iki ifanı sizə təqdim edir: