Movqe.Az xəbər portalı "TheTelegraph" qəzetinə istinadən xəbər verir ki, məşhur musiqiçi Bob Daylanın 1975- ci ildə "Blood on the Tracks" adlı albomu haqqında bədii film çəkiləcək. B.Daylanın "Shelter from the Storm", "Tangled up in Blueve" və "Simple Twist of Fate" adlı məşhur mahnılarının yer aldığı albom haqqında çəkiləcək filmi Braziliyanın "RT Features" adlı istehsalat şirkəti öz öhdəliyinə götürüb.

Hazırda çəkiləcək film üçün ingilislilərin xarakterini və görkəmini özündə cəmləşdirən aktyorlar və rejissor axtarışları davam edir. Şirkətin idarəçilərindən Rodriqo Teyxeyra verdiyi müsühibəsində bildirib ki, B.Daylanın albomu haqqında çəkiləcək film, özləri üçün mənəvi dəyər hesab edirlər: "Məqsədimiz musiqisevərlərə ilham verən bu albomdakı xarakterləri və atmosferi yaradacaq bir rejissorla işləməkdir", - R.Tayxeyra deyib.

Fuad Mədətov