Müğənni Rusonun ifa etdiyi "Ay gecə" mahnısı və mahnıya çəkdirdiyi erotik klip birmənalı qarşılanmayaraq qalmaqala səbəb olub.

Mövqe.az xəbər verir ki, müəllifi Azərbaycanın xalq yazıçısı İlyas Əfəndiyevin "Sən həmişə mənimləsən" pyesinin motivləri əsasında 1987-ci ildə çəkilən eyniadlı filmin bəstəkarı və mahnının ilk ifaçısı Qasım Xəlilov da Rusonun bu yeni yaradıcı işinə aydınlıq gətirməklə yanaşı, klipin yayımına da qadağa qoymuşdur.

Bütün bunları müşahidə edən, kəskin ittihamlara və tənqidlərə dözməyən müğənni Ruso müsahibə verərək haqqında danışılan söz-söhbətlərə aydınlıq gətirib. O, jurnalist Fuad Mədətovun araşdırmasını jurnalist demoqoqiyası, Əli Mirəliyevi isə klipi sərt tənqid etdiyinə görə şou-biznesin "Jirinovskisi" adlandırıb.

Rusonun müsahibəsinin audio yazısını təqdim edirik.