news Image
2014.06.13
15:32
| A A A
Elmin İnkişafı Fondunda 15 iyun - Milli Qurtuluş Gününə həsr olunmuş tədbir keçirilib

Bu gün Azərbaycan Respublikasının Prezidenti yanında Elmin İnkişafı Fondunun icraçı direksiyasında 15 iyun - Milli Qurtuluş Gününə həsr olunmuş tədbir keçirilib. Tədbirdə çıxış edən Fondun icraçı direktoru Elçin Babayev ümummilli lider Heydər Əliyevin 1993-cü ildə hakimiyyətə gəlişi və həmin dövrdə mövcud olan siyasi şəraitdən söz açıb: "Məhz Heydər Əliyevin yüksək siyasi məharəti ilə Azərbaycan vətəndaş müharibəsindən, siyasi xaosdan qurtula bildi, ölkə uzunmüddətli inkişaf yoluna qədəm qoydu. Bu günün önəmini Azərbaycanın dünya birliyində yerinin daha da möhkəmlənməsi, stabil və inkişaf edən, vətəndaşını qoruyan ölkəyə çevrilməsi daha da artırır". E. Babayev əsası ümummilli lider tərəfindən qoyulmuş siyasətin prezident İlham Əliyev tərəfindən uğurla davam etdiyini, Azərbaycanda son illər bütün sahələrdə olduğu kimi, elmin inkişafı sahəsində də yüksək nailiyyətlər əldə olunduğunu bildirib. Tədbirdə Fondun 4-cü "Mobillik qrantı"nın qaliblərindən Rüfət Quliyev (Azərbaycan Respublikasının Prezidenti yanında Dövlət İdarəçilik Akademiyası) və Hacızadə Muxtar (Xəzər Universiteti) çıxış edərək Milli Qurtuluş Günü ilə bağlı fikirlərini bölüşərək, ölkədə alimlərə yaradılan şəraitə görə minnətdarlıq ediblər.


 

 

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs