news Image
2014.06.23
11:30
| A A A
Brilliant Dadaşova avropalı rejissora üz tutdu

Xalq artisti Brilliant Dadaşova və gənc müğənni Yaşar Yusub ifa etdikləri bəstəkar Tural Bayraməliyevin mahnılarına klip çəkdirməyə hazırlaşırlar.

Movqe.az-ın məlumatına görə, Türkiyədə aranjeman olunan və sözlərinin müəllifi də özünə aid olan bəstəkar T.Bayraməliyevin "Səndən sonra" adlı mahnısını Brilliant Dadaşova və "Tənha yaşa" adlı mahnısını Yaşar Yusub ifa ediblər.

Y.Yusubun mahnısı artiq yerli radio dalğalarında səslənir. Brilliantın mahnısı isə Londonda masterinq olunur.

Hər 2 mahnıya xaricdə klip çəkiləcək: B.Dadaşovanın mahnısına avropalı rejissor, Y.Yusubun mahnısına isə tanınmış rejissor Nail Naiboğlu Gürcüstanda klip çəkəcək.

Onu da qeyd edək ki, Tural Bayraməliyevin mahnılarını bu günə kimi Aygün Kazımova, Abbas Bağırov, Nadir Qafarzadə, Samir Piriyev ifa ediblər.

Həmçinin, T.Bayraməliyev "Zirvədəkilər-2014" layihəsinin mükafatını qazanıb. O, mükafata Nadir Qafarzadənin ifasındakı "Xainsən" mahnısına görə layiq görülüb.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs