news Image
2012.09.17
12:45
| A A A
Cenifer Lopezin 5 təyyarə “cehizi” Bakıda

Bakıda "Crystal Hall"da məşhur müğənni Cenifer Lopezin solo-konsertinə hazırlıq prosesi davam edir. Bu barədə konserti təşkil edən şirkətin PR və marketinq direktoru Zaur Darabzadə məlumat verib.

O, bildirib ki, C.Lopezin konserti üçün xaricdən 65 yük maşını və beş təyyarə ilə bütün texniki avadanlıqlar Bakıya gətirilib və hazırda "Crystal Hall"da 500 işçi tərəfindən avadanlıqlar quraşdırılır. İşçilər arasında xaricdən gələn mütəxəssislər var.

Z.Darabzadə onu da qeyd edib ki, konsertin biletlərinin satışı davam edir: "Yalnız satışda 80-125 manat dəyərində olan biletlər qalıb. 35-230 manatlıq biletlərin hamısı satılıb".

O, C.Lopezin konsertinin saat 21:00-da başlayacağını və saat 23:00-da bitəcəyini deyib. Amma konsert salonuna giriş saat 19:00-da başlanacaq.

Qeyd edək ki, dünya şöhrətli ulduzlar – Cenifer Lopez sentyabrın 23-də, Rihanna oktyabrın 6-da, Şakira isə oktyabrın 14-də "Crystal Hall" konsert zalında solo-konsert proqramıyla çıxış edəcəklər.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs