Movqe.az-ın məlumatına görə, bəstəkar özü ilə bağlı maraqlı etiraflar edib. Belə ki, o, heç vaxt ət yemədiyini bildirib:

"Ümumiyətlə uşaqlıqdan ətin dadını bilmirəm. Hərdən balıq yeyirəm. Bir azdan ondan da imtina edəcəm. Bu mənim heyvanlara sevgimdən asılıdır. Xəz geyinmirəm. Qızım da, oğlum da mənim kimidir. Ət yeməkləri süfrəyə gələndə birtəhər oluram. Bir dəfə qonaq getmişdim, masaya cürbəcürə yeməklər düzmüşdülər: ətlər, heyvan ürəyi... O evdən qorxdum. Ürəyi yarıb, içinə ləvəngi yığıb, tikirlər. Bundan necə ləzzət almaq olar?".

A.Səmədzadə qara libas geyinmədiyini də deyib:

"Rəngli geyimləri sevirəm. Anam dünyasını dəyişəndən sonra qara libasdan imtina etdim. Qarderobumu açdım və bütün qara libasları yığışdırdım".