Aktrisa Beren Saat "Fatmagülün suçu ne" serialından tərəf müqabili olan Esra Dermancıoğlu ilə birlikdə obyektivlərə tuş gəlib.

Movqe.az Türkiyə mətbuatına istinadən xəbər verir ki, şlyapası ilə şıq imic yaradan Beren qonaqlıqdan qayıtdıqlarını bildirib. Aktrisa son zamanlar haqqında yayılan bəzi iddialara da aydınlıq gətirib. O, müğənni həyat yoldaşı Kənan Doğulunun sosial şəbəkədə yazdıqlarına görə onun təhlükəsizliyindən narahat olması və bu səbəbdən cangüdən tutması xəbərlərinin yalan olduğunu deyib.

Uzun müddətdir gündəmdən uzaq qalan B.Saat bunu "Bu aralar bir o qədər də dadımız-duzumuz yoxdur", - deyə izah edib. Bu yaxınlarda ekranlara gələcək "Möhtəşəm yüz il: Kösəm Sultan" serialından da bəhs edən Beren layihədə yer alacağını təsdiqləyib.