Aktrisa Fahriye Evcen sevgilisi aktyor Burak Özçivitlə görüntülənib. Movqe.az Türkiyə mətbuatına istinadən xəbər verir ki, jurnalistlər Fahriyeni görən kimi onu sorğu-suala tutub. Aktrisa ilk dəfə olaraq onun tanınmasında zəhməti olan və keçən həftə vəfat edən aktrisa Oya Aydoğan haqqında danışıb: "Oya xanım mən də daxil olmaqla bir çox insana kömək edib. Vaxtından əvvəl vəfatı bizi çox kədərləndirdi. Yeri cənnətlik olsun".

Aktrisanın vəfatı günü instaqramda "Gözəl ürəkli Oyam, yerin cənnətlik, ruhun şad olsun" qeydini paylaşmışdı. Lakin izləyicilər Evcenin bu paylaşımı tənqid atəşinə tutmuşdu. Buna səbəb sənətçinin ölüm ayağında olarkən Fahriyenin bir dəfə də olsun xəstəxanada ona baş çəkməməsi olub.