Movqe.Az türk mediasına istinadən bildirir ki, Hadise 2012-ci ilin ən çox qazanan pop ulduzu olub. Keçən il 70 min türk lirəsindən (təxminən 40 min dollar )120 konsert verən Hadisə 8 milyon 400 min TL qazanıb. Türkiyənin kanalı "Star TV"dəki "O Səs Türkiyə"nin münsiflər heyəti üzvündən həftədə 50 min TL (təxminən 28.400 dollar) alan Hadisənin illik proqram qazancı 2 milyon 400 min TL olub. Konsertdən konsertə qaçan, "O Səs Türkiyə"nin reytinqi sayəsində gündəmdə olan Hadisə çəkildiyi reklamlardan da xeyli qazanıb. Başda alış-veriş saytı "Trendyol" və "Nestle" olmaqla 5 firma Hadisəni reklamlarına çəkib. Pop ulduzunun bir reklamdan aldığı məbləğ 500 min TL-dir (təxminən 284 min dollar). Paltara və bəzək əşyalarına çox pul xərcləməyən Hadisə, əsasən mənzil və mağaza alır.