news Image
2017.05.04
16:20
| A A A
Sülh Platforması nəzdində “Sülh Səfirləri” institutu təsis olunub

Ermənistan Azərbaycan Sülh Platformasının nəzdində “Sülh Səfirləri” institutu təsis olunub.  

Sülh Platformasının mətbuat xidmətindən APA-ya verilən məlumata görə, “Sülh Səfirləri”  Sülh Platformasına üzv olan müxtəlif ölkələrin vətəndaş cəmiyyətlərinin fəal üzvləridir.
 
İnstitutun məqsədi Dağlıq Qarabağ münaqişəsinin həlli üçün beynəlxalq hüquq tərəfindən tanınmış prinsip və normaları çərçivəsində Platformanın ideyalarının sürətli yayılması və sülh naminə insan resurslarının fəal və mobil istifadəsində Sülh Platformasına dəstəkdir. “Sülh Səfirləri”nin aşağıdakı hüquq və vəzifələri var:
 
- Yaşadıqları ölkələrdə Ermənistan-Azərbaycan Sülh Platformasını təmsil etmək, Sülh Platformasının adından danışmaq və təqdimatlar keçirtmək
- Sülh Platforması adından tədbir keçirtmək
- Beynəlxalq ictimaiyyətə Ermənistan-Azərbaycan Dağlıq Qarabağ münaqişəsinin sülh yolu ilə həllinin vacibliyini çatdırmaq
- Öz fəaliyyətlərini Sülh Platformasının katibliyi ilə koordinasiya etmək və məsləhətləşmələr aparmaq.
 
Sülh Səfirləri adına Sülh Platformasının katibliyi tərəfindən hər ölkədən bir nümayəndə seçilir. Sülh Səfirləri Ermənistan-Azərbaycan Sülh Platformasının aktiv üzvləri arasında seçilir. Hazırda 7 müxtəlif ölkədən sülh səfiri təyin olunub. Aureliya Qriqoriu Moldova, Tatyana Krupa Ukrayna, Mişel İvor Belçika, Vitold Oleynik Polşa,  Aleksey Averyaninkov Latviya, Yelena Stankoviç Serbiya, Domeniko Letiziya isə İtaliya üzrə sülh səfiri təyin edilib.  “Sülh Səfiri” olmaq istəyən Sülh Platformasının üzvləri arm.azpeace@gmail.com  ünvanına müraciət edə bilərlər.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs