news Image
2017.05.11
13:40
| A A A
Rusiyanın Ermənistandakı hərbi bazasında qulluq edən zabitlərin fiziki və döyüş hazırlığı yolxanılır
Tədbirə Gümrüdəki hərbi hissənin 100-dən çox zabit cəlb edilib

Rusiyanın Ermənistandakı 102 saylı hərbi bazasında xidmət edən zabit heyətinin fiziki və döyüş hazırlığı üzrə yarış keçirilir. Movqe.az “Report”-a istinadən xəbər verir ki, bu haqda Rusiyanın Cənub Hərbi Dairəsinin mətbuat xidməti məlumat yayıb.

İnformasiyaya əsasən, tədbirə Gümrüdəki hərbi hissənin 100-dən çox zabiti cəlb edilib. Bazada xidmət edən leytenantlardan polkovnikədək bütün zabitlər “Makarov” tipli tapançadan 25 metrlik məsafədəki hədəfə atəş açmaq, 100-400 metrlik məsafəyə üzmək, turnikdə normativləri yerinə yetirməklə hazırlıq səviyyələrini nümayiş etdirməlidirlər.
Məlumata görə, Cənub Hərbi Dairəsinin Cənubi Qafqazdakı hərbi biləşmələrinin zabitləri arasında seçmə mərhələsi bu il mayın 18-19-da keçiriləcək. Seçmə mərhələdə qalib gələn 8 hərbçi yayda və payızda ümumrusiya hərbi hissələrinin yarışında iştirak edəcək.