Türkiyə, Azərbaycan və İran XİN rəhbərləri dekabrın 20-i Bakıda keçiriləcək üçtərəfli görüş çərçivəsində regional məsələləri müzakirə edəcək.

Movqe.az xəbər verir ki, bu barədə Trend-ə Türkiyə Xarici İşlər Nazirliyindən məlumat verilib.

Məlumatda qeyd olunur ki, nazirlərin görüşü regionda sülhün və sabitliyin təmin olunması prosesinə böyük töhfə verəcək.

Bundan başqa, Türkiyənin xarici işlər naziri Mövlud Çavuşoğlunun Bakıda azərbaycanlı və iranlı həmkarları ilə ikitərəfli görüşlərinin keçiriləcəyi bildirilib.