news Image
2018.05.17
19:00
| A A A
Emmanuel Makron: "İranla sazişə əlavələr edilməlidir"
Fransa prezidenti: Aİ sammitinin iştirakçıları İranla sazişi dəstəkləməyə qərar verdilər

"İranın nüvə proqramı ilə bağlı sazişə əlavələr edilməlidir. Bura raket problemlərinin və İranın regiondakı rolu məsələlərinin həlli daxildir".

"Report" TASS-a istinadən xəbər verir ki, bunu Fransa Prezidenti Emmanuel Makron Sofiyada Avropa İttifaqı (Aİ) - Qərbi Balkan sammitinə gəlişi zamanı deyib.
Onun sözlərinə görə, Aİ sammitinin iştirakçıları İran ilə nüvə sazişini dəstəkləməyə qərar veriblər.
"İranla bağlı çox sıx müzakirələr apardıq. 2015-ci ilin nüvə sazişi regionda sülh və təhlükəsizliyin mühüm elementidir və ABŞ-ın qərarından asılı olmayaraq, onu dəstəkləməyi qərarı aldıq. Şirkətlərimizə İranda qalmağa imkan verəcək siyasi tədbirlər görəcəyimizə dair söz verdik", - E.Makron bildirib.