news Image
2018.09.06
21:30
| A A A
Angela Merkel Suriya məsələsini Rusiya və Türkiyə prezidentləri ilə müzakirə edib

Almaniya kansleri Angela Merkel Suriyanın İdlib əyalətindəki vəziyyəti Rusiya prezidenti Vladimir Putin və Türkiyə prezidenti Rəcəb Tayyib Ərdoğanla müzakirə edib.

“Report” xəbər verir ki, bu barədə A.Merkel RTL və N-TV telekanallarına müsabisində bildirib.
“Biz İdlibdə humanitar fəlakətə yol verməməliyik. Bu, ən başlıca vəzifəmizdir. Bu mövzunu Ərdoğan və Putinlə müzakirə etmişik”, - kansler bildirib.
A.Merkelin fikrincə, İdlib əyalətində vəziyyət birmənalı deyil, çünki bir tərəfdən radikal qruplarla mübarizə aparılmalı, digər tərəfdən də dinc əhali qorunmalıdır.