news Image
2019.01.18
20:29
| A A A
Bəhruz Quliyev AzTv-yə sədr postuna təyinatı ilə bağlı yayılan məlumatı təkzib etdi

Sosial şəbəkələrdə “SƏS” Media Qrupunun rəhbəri Bəhruz Quliyevin “Azərbaycan Televiziya və Radio Verilişləri” Qapalı Səhmdar Cəmiyyətinə sədr təyin olunduğu barədə məlumat yayılıb. Movqe. az-saytının əməkdaşı xəbəri dəqiqləşdirmək məqsədilə Bəhruz Quliyevlə əlaqə saxlayıb. B. Quliyev sosial şəbəkələrdə yayılan bu məlumatın həqiqətəuyğun olmadığını, təkzib etdiyini söyləyib:" Mənim sosial şəbəkələrdə  AzTv sədri təyin olunmağım barədə yazılanlar şaiyədir. Bu xəbər tamamilə yalnış məlumatdır". Qeyd edək ki, yanvar ayının 15-də Prezident İlham Əliyevin sərəncamı ilə AzTV sədri Arif Alışanov tutduğu vəzifədən azad olunub.  AzTV sədrinin vəzifələrinin icrası, QSC-nin ictimai-siyasi proqramlar və xarici xəbərlərin monitorinqi studiyasinin baş direktoru, tanınmış telejurnalist Rövşən Məmmədova (Raqifoğlu) həvalə olunub.