Əlaqə Arxiv
news Image
2019.07.17
12:35
| A A A
Əli Əhmədov İsrail və Norveçin nazirləri ilə görüşüb

ABŞ-ın Nyu York şəhərinə rəsmi səfər çərçivəsində Baş Nazirin müavini, Azərbaycan Respublikasının Dayanıqlı İnkişaf üzrə Milli Əlaqələndirmə Şurasının sədri Əli Əhmədov Norveçin Beynəlxalq İnkişaf Naziri Dag Inge Ulstein və İsrailin Ətraf mühitin mühafizəsi naziri və Təhlükəsizlik Şurasının üzvü Zeev Elkinillə görüşüb. 

Nazirlər Kabinetinin Mətbuat xidmətindən Movqe.az-a verilən məlumata görə, görüş zamanı, hər iki ölkələr arasında mövcud əməkdaşlığın möhkəmləndirilməsi və tərəfdaşlığın inkişaf etdirilməsi istiqamətində müzakirələr aparılıb. 

Norveçin Beynəlxalq inkişaf naziri ilə görüşdə ölkələrimiz arasında münasibətlərin inkişaf perspektivləri, o cümlədən alternativ və bərpa olunan enerji mənbələrinin və enerji səmərəliliyinin artırılması istiqamətində əməkdaşlığın genişləndirilməsinin mümkünlüyü vurğulanmışdır. Bununla yanaşı Dayanıqlı İnkişaf üzrə bu il təqdim edilən Azərbaycanın ikinci könüllü Milli Məruzəsinin yüksək səviyyədə hazırlandığı, inkluziv inkişaf və özəl sektorun prosesə cəlb edilməsi məsələlərinin məruzədə geniş işıqlandırılmasının təqdirəlayiq olduğu qeyd edilmişdir.

İsrailin ətraf mühitin mühafizəsi naziri və təhlükəsizlik şurasının üzvü Zeev Elkin ilə görüşdə Baş Nazirin müavini cənab Əli Əhmədovİsrail və Azərbaycan münasibətlərinin inkişaf etdiyini və bu uğurlu əlaqələrin gələcəkdə də davam etdiriləcəyinə əminliyini bildirib. Eyni zamanda, İsrailin ətraf mühitin mühafizəsi naziriAzərbaycan Respublikası ilə İsrail arasında daim dostluq münasibətlərinin olduğunu, bu münasibətlərin Dayanıqlı İnkişaf Məqsədlərinin icrası istiqamətində yeni əməkdaşlıqlarla daha da möhkəmlənəcəyini diqqətə çatdırmışdır. Ölkələrimiz arasında təhsil, səhiyyə və digər istiqamətlərdə əməkdaşlığın davam etdiyini, növbəti illərdə su və su resurslarının səmərəli istifadəsi sahəsində Azərbaycanla əməkdaşlıq etməyə hazır olduqlarını və bununla bağlı ölkəmizə səfər etmək niyyətini bildirmişdir.

Bununla yanaşı, Dayanıqlı İnkişaf Məqsədlərinin həyata keçirilməsi istiqamətində Azərbaycanın uğurlu addımlar atdığı və bu sahədə ölkəmizin təcrübəsinin öyrənilməsinin vacibliyi diqqətə çatdırılıb.

Sizin Reklam Yeriniz