Əlaqə Arxiv
news Image
2019.11.19
08:50
| A A A
Erməni faşizminə Azərbaycandan növbəti zərbə
İrəvanda başlanmış faşist ideologiyasının təbliği bəşəriyyəti yeni bəlalara sürükləyir

Bir neçə gün əvvəl Azərbaycan Prezidenti İlham Əliyev ölkəmizdə işgüzar səfərdə olan  Simon Vizental Mərkəzinin həmtəsisçisi və sədr müavini, yəhudi din xadimi Rabbi Abraham Kuper və ABŞ-ın Xristian Liderlər Konqresinin rəhbəri, yevangelist din xadimi Conni Mur ilə görüşüb. Görüşdə müasir dünyanı və regionumuzu əndişələndirən mənəvi-siyasi məsələlərlə bağlı çox maraqlı müzakirə baş tutub.

Dünya dini liderlərinin Bakıda keçirilmiş II sammitinin iştirakçısı olmuş Rabbi Abraham Kuper təəssüratlarını bildirməyi vacib sayıb: “Hesab edirəm ki, Sammitin özü heyrətamiz və uğurlu idi. Ümid edirik ki, Azərbaycan lider ölkə olaraq, sadəcə, danışmaqla yox, çoxkonfessiyalılıq, liderlik nöqteyi-nəzərdən özünün təqdim olunmasında səylərini davam etdirəcək. Biz buraya gələndə özümüzü evimizdəki kimi hiss edirik. Biz bilirik ki, bu, əsasən Sizin şəxsən rəhbərliyiniz və mərhum atanızın birgə səyləri nəticəsində mümkün olmuşdur”.

Bu sammit dünyada sülh və əmin-amanlıq uğrunda mübarizəyə həsr olunduğu üçün qonaqlar Azərbaycanın dövlət başçısı ilə görüşdə Ermənistanın təcavüzkar siyasəti barədə də söhbət açıblar. Prezident İlham Əliyev bizə qonşu və düşmən olan ölkənin fəaliyyətində bəşəriyyət əleyhinə olan təhlükəli məqamlar haqda danışıb: “Azərbaycan çoxkonfessiyalı, multietnik ölkədir, Ermənistan isə monoetnik ölkədir. Bütün digər etnik qrupların nümayəndələri qovulmuşdur. Eşitmişəm ki, Ermənistanda guya yəhudi icmasının rəhbəri var, lakin onun Karapetyan və ya Varapetyan kimi bir adı var. Orada yəhudilər yoxdur, azərbaycanlılar yoxdur”.

Digər millətlərə qarşı belə münasibət ermənilərin faşist ideologiyasına meyilli olmaqları ilə əlaqədardır. Təsadüfi deyil ki, Ermənistanın əvvəlki hakimiyyəti nasizmin hökmü ilə II Dünya müharibəsini başlamış Hitlerin yaxın silahdaşı, erməni millətçi və nasist Qareginə həm öz ölkələrində, həm də erməni lobbisi və mafiyasının güclü olduğu ölkələrdə abidələr ucaldır, faşizmi ideoloji cəhətdən təbliğ edirlər. Ötən ay keçmiş Sovet İttifaqı respublikaları rəhbərlərinin görüşdüyü Aşqabad şəhərində keçirilən MDB Sammiti çərçivəsində mövzulardan biri İkinci Dünya müharibəsində Qələbənin 75-ci ildönümünün qeyd olunması ilə bağlı olub. Bunu yada salan Azərbaycan Prezidenti həmin toplantıda Ermənistan hakimiyyətinin siyasətini ifşa edən çıxışı haqda dabnışıpb: “Mən söz alaraq dedim ki, Azərbaycan və MDB-yə üzv olan digər ölkələr faşizmin pislənməsi ilə bağlı ortaq mövqedən çıxış edirlər. Nasistlərin qəhrəmanlaşdırılması haqqında danışarkən mən dedim, təəssüf ki, bizim bölgədə, MDB məkanında faşistləri tərənnüm edən bir ölkə var. Mən faşistlərə xidmət edən, Ermənistan hökuməti tərəfindən şərəfinə 6 metr hündürlüyündə abidə ucaldılmış Qaregin Ter-Arutunyanın adını çəkdim. O, faşist Almaniyası, müharibə vaxtında “Almaniya uğrunda həlak olan Ermənistan uğrunda həlak olur” ifadəsini işlədən bir şəxs idi və bu şəxsin müxtəlif millətlərin, o cümlədən yəhudilərin və digər insanların qətlində əli olub. O, Bolqarıstanda gizli şəbəkə yaratmışdı. Casusluq şəbəkəsi yaradılmışdı. O, həbs olunmuş, uzun müddətə azadlıqdan məhrum edilmiş və Vladimir şəhərində həbsxanada vəfat etmişdi.

Mən Ermənistanın yeni hökumətini o abidəni sökməyə çağırdım, çünki onu əvvəlki hökumət ucaltmışdı. Yeni hökumət özünü demokratik hökumət kimi göstərir. Beləliklə, bunu göstərin, abidəni sökün. Mənim ittihamlarım ona qarşı deyildi, onun qondarma inqilab nəticəsində devirdiyi sələflərinə qarşı idi və o, dedi: Soljenitsin də həbsdə olub və bir çox başqa sovet dissidentləri Vladimir həbsxanasında olublar. Beləliklə, o, faktiki olaraq deyirdi ki, faşist qatil Soljenitsinlə eynidir. Bundan daha səfeh bəyanatı təsəvvürə gətirmək mümkün deyil. Bu səbəbdən, əlbəttə ki, biz hər şeyi olduğu kimi deməliyik. Biz bilirik ki, Amerikada, Rusiyada, Fransada, Minsk qrupunun həmsədr ölkələrinin hamısında erməni lobbisi var. Lakin bir həqiqət var. Qələbənin 75-ci ildönümü ərəfəsində biz Yerevanın mərkəzində bu abidənin olmasına necə dözə bilərik. İndi onlar, - mən mətbuatdan eşitmişəm, - Bolqarıstanda abidə tikməyə çalışırlar. Onlar birini Rusiyanın Armavir şəhərində ucaldıblar. Çox cəsur bir insan gəlib onun üstünə qara boya töküb və indi erməni diasporu ona hücum edir. Onlar faşisti müdafiə edirlər. Ona görə də, əlbəttə ki, biz ümid edirik dünyadakı yəhudi icmaları bizim səsimizə səs verəcək və Ermənistan hökumətini bu abidəni sökməyə məcbur edəcəklər”.

Bu fikirlər yalnız Ermənistanın təcavüzkarlığını ifşa etmir, həm də bəşəriyyəti gözləyən təhlükələr barədə xəbərdarlıqdır. Çüniki, faktlar sübut edir ki, Ermənistan yeni nasizm ocağına çevrilib. Nə qədər ki, bu tendensiya güclənib regiuna və dünyaya bəlalar gətirməyib, onu yerində məhv etmək gərəkdir. Bu işdə hamı, xüsusilə də faşizmin soyqırımına məruz qalmış yəhudilər fəallıq göstərməlidirlər. Buna görə də Prezident İlham Əliyev bu mübarizəni səmərəli aparmaq üçün bütün dünyaya müraciət ünvanlayıb: “Qələbənin 75-ci ildönümü ərəfəsində biz, - mən siyasətçiləri, ictimai xadimləri, dini liderləri, QHT-ləri, medianı nəzərdə tuturam, - səylərimizi birləşdirməliyik. Biz bir mövqedən çıxış etməliyik. Çünki bu, böyük təhlükədir. Bu, təkcə tarixin təhrif olunması demək deyil. Bu, gələcək diskriminasiya üçün zəmin yaratmaqdır”.

N.NOVRUZ

Sizin Reklam Yeriniz