Bildiyimiz kimi, oktyabr ayının 2-də Prezidentimiz İlham Əliyev “Əl-Cəzirə” televiziya kanalına müsahibə vermişdir. Burada jurnalist prezidentimizə sual ünvanlamışdır: “Ermənistan və Azərbaycan arasında hazırki münaqişə 20 ildən artıqdır ki, başlayıb. Müəyyən irəliləyişlər və geriləmələr olmuşdur, lakin bu vaxta kimi sülhə nail olunmamışdır. Niyə görə niyə bu qədər uzun çəkir? Prezidentimiz: “ Əsas səbəb odur ki, Ermənistan sülh istəmir. Onlar bizim torpaqları həmişəlik işğal altında saxlamaq istəyir.1993-cü ildə Ermənistan ərazilərimizin bir hissəsini işğal etdikdə BMT Təhlükəsizlik Şurası qoşunların bizim ərazilərdən dərhal, tam və qeyri-şərtsiz çıxarılması ilə bağlı dörd qətnamə qəbul etdi. Lakin bu qətnamələr kağız üzərində qalmaqdadır. Həll yolunun tapılması üçün vasitəçilik aparmaq məqsədilə Minsk qrupu artıq  28 ildir ki, fəaliyyət göstərir və heç bir nəticə yoxdur”- söyləmişdir. 
     Daha sonra Prezidentimiz bildirib ki, beynəlxalq hüququn normaları və beynəlxalq təşkilatların qərar və qətnamələri baxımından bizim çox geniş dəstəyimiz var. Prezidentimizin də söylədiyi kimi,  beynəlxalq ali orqan olan BMT-nin Təhlükəsizlik Şurası Ermənistanın qoşunlarının geri çəkilməsini tələb edən qətnamələr qəbul etmişdir. Birləşmiş Millətlər Təşkilatının Baş Assambleyası eynisini edib. İslam Əməkdaşlıq Təşkilatı, Qoşulmama Hərəkatı, Avropa Parlamenti  kimi digər beynəlxalq təşkilatlar və başqaları eynisini etmişdir. Artıq Dağlıq Qarabağın Azərbaycana aid olmasını bütün dünya tanıyıb. 
    Jurnalist: “Diplomatiya nə vaxtsa işləyə bilərmi? Yoxsa sizin üçün yeganə həll müharibədir?” Prezidentimiz : “ Mən artıq demişəm ki, Ermənistan beynəlxalq hüquqa əməl etsə, ərazilərin bir hissəsindən vaxt cədvəlinə müvafiq olaraq dərhal çıxmağa başlasa, - əlbəttə ki, biz Azərbaycanın ərazi bütövlüyünü bərpa etməliyik,-diplomatiya işləyə bilər. Yeri gəlmişkən, Ermənistanda bu hökumət hakimiyyətə gəlməmişdən əvvəl biz danışıqlar masasındaki məsələləri müzakirə edəndə ilk bənd o idi ki, münaqişə Azərbaycanın ərazi bütövlüyü əsasında həll olunmalıdır. Bu, bərpa olunmalıdır. Bizim tələbimiz budur və düşünürəm ki, bunu tələb etməyə haqqımız var” söyləmişdir.
        Əliyev Əlövsət
       Nəsimi rayon gənci