Küveyt Azərbaycana yeni səfir təyin edib
Küveyt dövləti Azərbaycana yeni səfiri təyin edib.
Küveytin Azərbaycandakı səfirliyindən APA-ya verilən məlumata görə, bu vəzifəyə Səud Əbdüləziz əl-Rumi təyin edilib.
Diplomatik nümayəndəlikdə bildiriblər ki, S.Ə. əl-Rumi Küveytin ən təcrübəli diplomatlardandır və XİN-də yüksək vəzifələr tutub. Bundan əvvəl o Küveytin Argentinadakı səfiri postunda çalışıb.
Qeyd edək ki, prezident İlham Əliyev və xarici işlər naziri Elmar Məmmədyarov Küveytin Azərbaycandakı səfiri Ğəssan Abdulbari Al-Zəvavini diplomatik missiyanın başa çatması ilə əlaqədar qəbul ediblər.