Müsəlman dövlət başçıları Suriyanın İƏT-də üzvlüyünün dayandırılmasını təsdiqləyiblər
İslam Əməkdaşlıq Təşkilatına daxil olan
dövlətlərin başçıları Məkkədə keçirilən zirvə görüşündə Suriyanın
bu beynəlxalq təşkilatda üzvlüyünün dayandırılması qərarını
təsdiqləyiblər. APA-nın
məlumatına görə, qərar iclasın yekun bəyanatında öz əksini
tapıb. İki gün əvvəl İƏT xarici işlər nazirləri Suriyanın bu
təşkilatda üzvlüyünün dayandırılması barədə qərarı
razılaşdırmışdılar. Bu qərarın əleyhinə İran
çıxıb. Sammit iştirakçıları həmçinin Suriyanın ərazi
bütövlüyünün saxlanılmasının lehinə çıxış ediblər və Suriya
rəhbərliyini minlərlə günahsız insanı qətlə yetirməkdə
günahlandırıblar. İclasda həmçinin Myanmada müsəlmanların
vəziyyəti və Fələstin məsələsi müzakirə olunub.
