Səudiyyə Ərəbistanı da «əl-Qaidə»yə qarşı mübarizə aparır
Dünyanın ən böyük terror
şəbəkələrindən sayılan "Əl-Qaidə"nin aparıcı fiqurları Səudiyyə
Ərəbistanındandır. Bu ölkədə bin Ladənlərə məxsus iri ticarət
şəbəkəsi hələ də mövcuddur. Bir neçə il öncə onların tikinti
şirkətləri Səudiyyə Ərəbistanındakı Osmanlı dövründən qalma tarixi,
mədəni abidələri də dağıdırdı.
Lent.az-ın "MIGnews"a istinadən
məlumatında bildirilib ki, krallığın Daxili İşlər Nazirliyi bu
terrorçu təşkilata məxsus iki "gizli şəbəkənin" dağıtdığını bəyan
edib.
Şəbəkələrdən biri paytaxt
Ər-Riyadda, o biri isə Ciddədə aşkarlanıb. Səudiyyə Ərəbistanının
rəsmi dövlət agentliyi "SPA"-nın məsələ ilə bağlı yaydığı xəbərdə
deyilir: "Şübhəlilər ictimai müəssisələrə, xaricilərə,
təhlükəsizlik qüvvələrinə basqın etmək üçün cinayətkar ünsürləri
ələ almaqla məşğul olublar. İstintaq zamanı bəlli olub ki,
Ər-Riyaddakı gizli şəbəkə daha dərinə gedərək, partlayıcı qurğuları
işə salmaq ərəfəsində imiş".
Həbs olunanların 6-sı Yəmən, ikisi
isə Səudiyyə Ərəbistanı vətəndaşıdır. Terrorçular hazırladıqları
bombaları şəhərin məscidlərindən birində partlatmağı
planlaşdırıbmış.