2016-cı il üzrə büdcə zərfi Milli Məclisin plenar iclasında müzakirəyə çıxarılıb.

Movqe.az-ın məlumatına görə, spiker Oqtay Əsədov iclası açıq elan edib.

Baş nazir Artur Rasizadə iclasda iştirak edir.

Qeyd edək ki, büdcə zərfi bu gün və sabah Milli Məclisin plenar iclaslarında müzakirə olunacaq. Buna qədər isə büdcə zərfi parlamentin komitələrinin müzakirəsindən keçib.

Büdcə zərfinə "Azərbaycan Respublikasının 2016-ci il dövlət büdcəsi haqqında", "Azərbaycan Respublikasında 2016-cü il üçün yaşayış minimumu haqqında", "Azərbaycan Respublikasında 2016-ci il üçün ehtiyac meyarının həddi haqqında", "Azərbaycan Respublikası Dövlət Sosial Müdafiə Fondunun 2016-ci il büdcəsi haqqında" qanunları, Azərbaycan Milli Məclisinin və Azərbaycan Hesablama Palatasının 2016-ci il üçün xərclər smetaları daxildir.