news Image
2016.05.19
18:30
| A A A
NATO ölkələrinin XİN rəhbərləri Monteneqroya "hə" dedilər

NATO ölkələrinin xarici işlər nazirləri mayın 19-da Monteneqronun alyansa qoşulması haqqında protokolu imzalayıblar. Movqe.az-ın TASS-a istinadən verdiyi məlumata görə, mərasim Brüsseldə alyansın baş qərargahında baş tutub.


Hərbi alyansın baş katibi Yens Stoltenberq bəyan edib ki, Monteneqro Avropa İttifaqı, NATO və BMT tərəfindən keçirilən əməliyyatlara öz töhfəsini verib və zəruri islahatları həyata keçirib: "Amma Monteneqronın bu yoldakı fəaliyyəti dayanmayıb və biz bu ölkədən fəal islahatlar aparılmasının davamını gözləyirik".


Monteneqronun Baş naziri Milo Cukanoviç islahatlara hökumət tərəfindən dəstək veriləcəyini deyib.


Protokola uyğun olaraq, Monteneqro alyansın iclaslarında müşahidəçi qismində iştirak edə biləcək. NATO ölkələri bu sənədi ratifikasiya etməlidirlər. Yalnız bundan sonra yeni ölkə alyansın tamhüquqlu iştirakçına çevriləcək.


Qeyd edək ki, Monteneqro NATO-nun 29 üzv ölkəsi olacaq.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs