news Image
2016.06.20
10:08
| A A A
Bu gün Rusiya, Azərbaycan və Ermənistan prezidentlərinin üçtərəfli görüşü olacaq

Bu gün Rusiyanın Sankt-Peterburq şəhərində Rusiya, Azərbaycan və Ermənistan prezidentləri Vladimir Putin, İlham Əliyev və Serj Sarkisyanın üçtərəfli görüşü keçiriləcək.

 

Movqe.az-ın məlumatına görə, görüşdə ATƏT-in Minsk qrupu həmsədrləri də iştirak edəcək.

 

V. Putin əvvəlcə İ. Əliyev və S. Sarkisyanla ayrılıqda görüşəcək. Danışıqlar daha sonra üçtərəfli formatda davam etdiriləcək.

 

Görüşdə prezidentlər İ. Əliyev və S. Sarkisyanın mayın 16-da Vyanada keçirilmiş görüşündə əldə olunan razılaşmaların, o cümlədən təmas xəttində baş verən insidentlərlə bağlı ATƏT-in araşdırma mexanizminin işə salınması və Dağlıq Qarabağ münaqişəsinin həlli istiqamətində danışıqların bərpası müzakirə olunacaq.

 

ATƏT-in Minsk qrupunun amerikalı həmsədri Ceyms Uorlik "Twetter" hesabında bu gün Azərbaycan və Ermənistan prezidentləri İlham Əliyev və Serj Sarkisyanla qarşılıqlı inam yaratmaq, etimadyaradıcı tədbirləri sürətləndirmək və Dağlıq Qarabağ münaqişəsi ilə bağlı çərçivə sazişi üzərində iş üçün şərait yaratmaq məqsədi ilə görüşəcəklərini yazıb.

Sosial səhifələrdə paylaş

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs